10:55:14 03-05-2011
ბრაიან კრენსტონი და “Rock of Ages”
“დედლაინის” ინფორმაციით, სერიალ “Breaking Bad” – ის ვარსკვლავი ბრაიან კრენსტონი ფილმ “Rock of Ages” – ში მიიღებს მონაწილეობას. კინოსურათის სიუჟეტი იმავე სახელწოდების მუზიკლზეა დაფუძნებული.
სიუჟეტის მიხედვით, ახალგაზრდა მამაკაცი, რომელიც ლოს-ანჯელესში ჩადის, გადაწყვეტს, რომ როკ-ვარსკვლავი გახდეს. ამ დროისათვის, ამ მუსიკალურ ჟანრს რთული დრო უდგას – მისი აკრძალვის მოთხოვნით გამოდის მოძრაობა, რომელსაც ულტრაკონსერვატორი ქალბატონი ხელმძღვანელობს.
კრენსტონს ამ ქალბატონის მეუღლის როლი ერგო, რომელსაც კეტრინ ზეტა-ჯონსი ასრულებს. როკ-ვარსკვლავის, სახელად სთეისი ჯაკსის როლს კი ტომ კრუზი შეასრულებს. ფილმის მთავარი გმირი მექსიკელი მსახიობი და მომღერალი დიეგო გონსალესი იქნება. ფილმში ასევე მონაწილეობენ: პოლ ჯამატი, ალეკ ბოლდუინი და რასელ ბრენდი.
0