15:18:00 23-06-2017
ლონდონის პოლიცია მასშტაბური ხანძრის გამომწვევ მიზეზს ასახელებს
ლონდონის პოლიცია „გრენფელ თაუერში“ გაჩენილი ხანძრის გამომწვევ მიზეზს ასახელებს. მათი განცხადებით, ხანძარი Hotpoint-ის ფირმის FF175BP მოდელის გაუმართავმა მაცივარმა გამოიწვია.
მაცივრის მწარმოებლები ამჟამად ამ მოდელის მაცივრის ექსპერტიზას ატარებენ.
„ჩვენ ვიცით, რომ ხანძარი განზრახ გაჩენილი არ იყო“, - განაცხადა ერთ-ერთმა პოლიციელმა.
14 ივნისს ლონდონში მდებარე 24 სართულიან საცხოვრებელ სახლში „გრენფელ თაუერში“ გაჩენილი ხანძრის შედეგად 79 ადამიანი დაიღუპა.