18:05:25 22-06-2017
ბრიუსელში ევროკავშირის წევრი ქვეყნების სამიტი მიმდინარეობს
BBC-ის ინფორმაციით, ამ წუთებში ბრიუსელში ევროკავშირის წევრი ქვეყნების სამიტი მიმდინარეობს. სამიტი ორი დღე გაგრძელდება.
ბრიუსელში სულ 28 ქვეყნის ლიდერია შეკრებილი, ისინი უსაფრთხოებისა და ტერორიზმის შესახებ მსჯელობენ. განსახილველ საკითხებს შორის არის Brexit-ი და ევროკავშირის ქვეყნებში მიგრაციის თემა.
ქალაქში, 21 ივნისს მომხდარი ინციდენტის შემდეგ, უსაფრთხოების ზომები მაქსიმალურად გამკაცრებულია.
ეს შეხვედრა იმით გამოირჩევა, რომ მასში პირველად იღებს მონაწილეობას საფრანგეთის ახლადარჩეული პრეზიდენტი ემანუელ მაკრონი.
0