10:48:30 02-05-2011
რობერტ ზემეკისის “დროში მოგზაურობა”
რობერტ ზემეკისი, კომპიუტერული ანიმაციებით, კინემატოგრაფიაში ბრუნდება. როგორც გამოცემა NY Mag იუწყება, რეჟისორი აპირებს ფილმის გადაღებას სახელწოდებით Replay”, სადაც თავის საყვარელ თემას, დროში მოგზაურობას დაუბრუნდება.
კინოსურათის სიუჟეტი 40 წლის ჟურნალისტის ირგვლივ ვითარდება, რომელიც 1988 წელს გულის შეტევით იღუპება და 1963 წელს, თავის 18 წლის სხეულში ეღვიძება. ფილმის გმირს წარსული ცხოვრების ყველა მოგონება ზედმიწევნით ახსოვს.
ის ცხოვრების სხვა გზით სიარულს ცდილობს, იღებს განსხვავებულ გადაწყვეტილებებს, ირჩევსს სხვა ქალებს, ხდება სხვა ბავშვების მამა, მაგრამ ყველაფერი მაინც 1988 წელს, სიკვდილით სრულდება.
ესმის რა რომ შეუძლებელია საკუთარი ბედისწერის შეცვლა, ფილმის მთავარი გმირი თავისი ქალიშვილის გადარჩენას ცდილობს, რომელსაც სასიკვდილო საფრთხე ემუქრება...
ზემეკისის ახალი პროექტის დასრულების თარიღი, ჯერჯერობით, დაზუსტებული არ არის. სავარაუდოდ, გადაღებები უახლოეს მომავალში დაიწყება. 0