10:36:24 13-06-2017
მკვლელობა ქარელში - მოკლულია დედა-შვილი
ქარელის რაიონის სოფელ ტახტისძირში დედა-შვილი მოკლეს. მკვლელობა სავარაუდოდ, ავტომატური ცეცხლსასროლი იარაღით, კვირას ღამით მოხდა. მოკლულების ცხედრები მეზობლებმა მხოლოდ დღეს დილით აღმოაჩინეს.
ქალბატონები სოფელ ტახტისძირში მარტო ცხოვრობდნენ.
მოკლული დედა-შვილის სახლთან საგამოძიებო მოქმედებები ამ დრომდე მიმდინარეობს. ადგილზე იმყოფებიან სამართალდამცავები. შემთხვევის ადგილიდან ამოღებულია ტყვიის მასრები. დედა-შვილის ცხედრები ჯერჯერობით ექსპერტიზაზე არ გადაუსვენებიათ.
მომხდართან დაკავშირებით გამოძიება განსაკუთრებული სისასტიკით ჩადენილი განზრახ მკვლელობის მუხლით მიმდინარეობს.
ჰყავს თუ არა გამოძიებას სავარაუდო ეჭვმიტანილი, ჯერჯერობით უცნობია.
0