10:20:47 27-05-2017
თურქეთში ქართველი მკითხავები დააკავეს
თურქული მედიის ცნობით, 12 ადამიანი დააკავეს თურქეთის ქალაქ ადანაში ჩატარებული სპეცოპერაციის შედეგად. არსებული ინფორმაციით, ისინი ტაროს კარტისა და ყავის საშუალებით მკითხაობდნენ.
ადგილობრივი პოლიციის დეპარტამენტი იუწყება, რომ დაკავებულთა შორის არის საქართველოს 5 მოქალაქე, რომელთა ასაკი 39-დან 61 წლამდე მერყეობს. მედიასაშუალების ცნობით, ტაროს კარტი დაკავების დროს იპოვეს.
სპეცოპერაციის შედეგად დააკავეს ასევე იმ შენობის მფლობელები, სადაც ეჭვმიტანილები მკითხაობდნენ. თუმცა მოგვიანებით, მესაკუთრეები ადმინისტრაციული ჯარიმების გადახდის სანაცვლოდ გაათავისუფლეს. მოგვიანებით გაათავისუფლეს, თავად ეჭვმიტანილებიც.
0