22:45:45 03-05-2017
ჯავახიშვილის ქუჩაზე ახალგაზრდა მამაკაცი ავტომობილში ჩაცხრილეს
თბილისში, ჯავახიშვილის ქუჩაზე ახალგაზრდა მამაკაცს საკუთარ ავტომობილში ცეცხლი გაუხსნეს. დაჭრილი საავადმყოფოში მიყვანისთანავე გარდაიცვალა.
თვითმხილველების თქმით, მამაკაცი ჯავახიშვილის ქუჩის მცხოვრები იყო. მათივე ინფორმაციით, ავტომობილს, რომელსაც მამაკაცი მართავდა, სხვა ავტომობილმა გზა გადაუჭრა, საიდანაც ცეცხლი გახსნეს.
სავარაუდოდ, მამაკაცს 4 ჭრილობა აქვს მიყენებული.
ჯავახიშვილის ქუჩაზე ამ წუთებში ექსპერტ-კრიმინალისტები მუშაობენ. გადაკეტილია გზა. მომხდართან დაკავშირებით ჯერჯერობით შინაგან სამინისტროში კომენტარს არ აკეთებენ.
0