22:55:59 08-03-2017
სასწრაფოდ: სროლა დიდ დიღომში - გარდაცვლილია 53 წლის მამაკაცი
სროლა იყო ცოტა ხნის წინ დიდ დიღომში, დიმიტრი თავდადებულის 22 ნომერთან. გავრცელებული ინფორმაციით, დაიჭრა 53 წლის მამაკაცი, რომელიც კლინიკაში მიყვანის შემდეგ გარდაიცვალა.
ექიმის ინფორმაციით, პაციენტი კლინიკაში მრავლობითი ცეცხლნასროლი ჭრილობებით შეიყვანეს.
ამ წუთას შემთხვევის ადგილზე კრიმინალისტები მუშაობენ. ადგილზე ნაპოვნია დაცხრილული მანქანა. მომხდარის მოტივი და დეტალები ამ დროისთვის უცნობია.
მომხდარს შინაგან საქმეთა სამინისტრო ჯერ არ გამოხმაურებია.