რიანას და ემინემის “რეკორდი”

რიანა და ემინემი ჟურნალ “Billboard” – ის მუსიკალური პრემიის მთავარი პრეტენდენტები გახდნენ. ამის შესახებ გამოცემის საიტი იტყობინება.

 

რიანა 18 ჯილდოზეა წარდგენილი, მათ შორის, “საუკეთესო შემსრულებლის” ნომინაციაზე. ექვსი ნომინაცია მომღერალმა ემინემთან ერთად ჩაწერილი სიმღერის “Love the Way You Lie” წყალობით დაიმსახურა. ეს კომპოზიცია ემინემის 2010 წლის ალბომ “Recovery” -ში შევიდა.

 

თავად ემინემი 16 ნომინაციაში ფიგურირებს. რიანას მსგავსად, ისიც “საუკეთესო შემსრულებლის” ჯილდოს პრეტენდენტია. მომღერლებს ამ ნომინაციაში კონკურენციას ლედი გაგა, ჯასტინ ბიბერი და ტაილორ სვიფტი გაუწევენ. ლედი გაგა, ნომინაციების რაოდენობით, მესამე ადგილზეა.

 

პრემიის საზეიმო გადაცემის ცერემონიალი ლას-ვეგასში, 2011 წლის 22 მაისს გაიმართება.      

0

ავტორი: