17:22:15 12-12-2016
ქართული ლიტერატურული კვირეული საბერძნეთში
ბათუმელი პოეტები ქართული ლიტერატურული კვირეულის ფარგლებში 2-10 დეკემბერს, საბერძნეთს სტუმრობდნენ. ვიზიტის ფარგლებში გაიმართა ქართულ-ბერძნული პოეზიის საღამო ქართული დიასპორისათვის, ორენოვანი კონფერენცია საქართველოს და კერძოდ, აჭარის რეგიონის ლიტერატურული ტრადიციებისა და კულტურული მემკვიდრეობის შესახებ და ორენოვანი ლექცია-მასტერკლასი დამწყები ავტორებისათვის, ასევე მოეწყო კრებულის ,,აბგდ“ პრეზენტაცია. ვიზიტი უმნიშვნელოვანესი იყო ქართული დიასპორისა და ბერძნულ-ქართული ლიტერატურული ურთიერთობის ჭრილში.
ქართველ პოეტებს საბერძნეთის ეროვნულმა აკადემიამ უმასპინძლა, სადაც თანამედროვე ლიტერატურის ორმხრივი თარგმანების შესახებ სამომავლო გეგმები დაისახა, გაფორმდა უმნიშვნელოვანესი მემორანდუმი ორი ქვეყნის მწერალთა ორგანიზაციებს შორის, რაც კიდევ უფრო დააახლოვებს ამ ორი ქვეყნის კულტურულ წრეებს და ხელს შეუწყობს თანამედროვე ქართული ლიტერატურის ევროპულ ასპარეზზე წარმოჩენას.
პროექტი განხორციელდა აჭარის განათლების კულტურისა და სპორტის სამინისტროს ფინანსური მხარდაჭერით.
0