20:46:23 16-10-2016
თბილისში 50 წლამდე მამაკაცი მოკლეს
გვიან ღამით თბილისში, ღრმა ღელის ქუჩაზე 50 წლამდე მამაკაცი მოკლეს. ადგილობრივების ინფორმაციით მათ ხმაური დაახლოებით ღამის 02:00 საათზე გაიგეს რა დროსაც გარეთ გამოსულებმა მათი მეზობელი დაინახეს. თვითმხილველები აცხადებენ, რომ მამაკაცს ჭრილობები სავარაუდოდ დანით ჰქონდა მიყენებული და მათ სასწრაფო გამოიძახეს, თუმცა დაჭრილი მამაკაცის გადარჩენა ვერ მოხერხდა.
ღრმა ღელის ქუჩაზე მცხოვრები მოსახლეობა დანაშაულის ჩადენის მოტივზე ვერ საუბრობს. ერთადერთი რასაც ისინი იხსენებენ, არის ის, რომ მამაკაცმა გვიან ღამით სტუმრები გამოაცილა და შემთხვევა სავარაუდოდ ამის შემდეგ მოხდა. ვისთან მოუვიდა კონფლიქტი გარდაცვლილს ჯერჯერობით უცნობია.
მომხდარზე გამოძიება სისხლის სამართლის კოდექსის 108-ე, განზრახ მკვლელობის მუხლით მიმდინარეობს.
rustavi2.com
0