10:47:56 07-10-2016
ათათურქის აეროპორტთან ახლოს აფეთქება მოხდა
6 ოქტომბერს, გვიან ღამით, სტამბოლში, ათათურქის აეროპორტიდან რამდენიმე კილომეტრის დაშორებით აფეთქება მოხდა.
სააგენტო Reuters-ის ინფორმაციით, შემთხვევისას სულ მცირე ათი ადამიანი დაშავდა. დაზიანებულია ავტომობილები და ჩამსხვრეულია შენობის შუშები.
გამოძიების ინფორმაციით, ასაფეთქებელი მოწყობილობა მოტოციკლზე იყო მიმაგრებული, რომელიც პოლიციის შენობასთან იდგა.
სამართალდამცველებმა უკვე დააკავეს რამდენიმე რიგითი მოქალაქე.
პასუხისმგბელობა აფეთქებაზე არცერთ დაჯგუფებას არ აუღია.
0