11:17:53 31-03-2011
“მადაგასკარის” პინგვინების ახალი როლი
DreamWorks- მა ახალ მულტფილზე მუშაობა დაიწყო, რომლის მთავარი გმირები “მადაგასკარის” ცნობილი და პოპულარული პინგვინები იქნებიან. ამის შესახებ “The Hollywood Reporter” იტყობინება.
ახალი სურათის სცენარის ავტორები “მეგატვინის” შემქნელები, ალან სკულკრაფტი და ბრენტ სიმონსი არიან. მულტფილმის გამოსვლის თარიღი, ჯერჯერობით, ცნობილი არ არის.
აღსანიშნავია, რომ “Nickelodeon” – ზე ამჟამად უკვე მიმდინარეობს მულტსერიალ “მადაგასკარის პინგვინების” მეორე სეზონის ჩვენება, სადაც მთავარ როლს იგივე პინგვინები “ასრულებენ.”
ფილმის ავტორები პუბლიკას თავიდანვე დაპირდნენ, რომ 2012 წლამდე საზოგადოებას სურათის რამდენიმე სერიას წარმოუდგენდნენ. პინგვინები მულტფილმების ერთადერთი პერსონაჟები არ არიან, ვინც სხვა ფილმის გმირებიც გახდნენ. მაგალითად, “შრეკის” კატა” მონაწილეობას მიიღებს 2011 წელს გამოსულ ახალ მულტფილმში. 0