17:10:09 02-09-2016
რას იხსენებენ თვითმხილველები ვაკეში დღეს მომხდარი მკვლელობის შესახებ?
დღეს, დაახლოებით სამ საათზე ფალიაშვილისა და რიგის ქუჩების კვეთაზე ავტომობილში მამაკაცი ჩაცხრილეს. გარდაცვლილი კრიმინალურ წრეებში კარგად ცნობილი, რამდენჯერმე ნაამართლევი სოსო ჯოხაძეა.
თვითმხილველები იხსენებენ, რომ ჯოხაძის მანქანა შუქნიშანთან იყო გაჩერებული, როდესაც გვერდით მდგომი მანქანიდან კაპიუშონიანი შეიარაღებული მამაკაცი გადმოვიდა და მას ცეცხლი გაუხსნა.
დაჭრილია ჯოხაძის მანქანაში მყოფი ადვოკატი ზაქარია ჩიბუხაშვილიც, მას რესპუბლიკურ საავადმყოფოში ოპერაციას უკეთებენ. ექიმების თქმით, იგი გულმკერდის არეშია დაჭრილი და ამ დროისთვის სტაბილურია.
ფალიაშვილისა და რიგის ქუჩებზე შეზღუდულია ავტომანქანების მოძრაობა. ადგილზე ამ დრომდე მუშაობენ ექსპერტ-კრიმინალისტები და მობილიზებულია პოლიცია.
შსს-ს ინფორმაციით, დაკავებულია ერთი თავდამსხმელი. არაოფიციალური ცნობით, ის ბადრი ნათობაძეა.
0