16:32:03 26-07-2016
"ეკლესიაზე თავდამსხმელები ISIS-ის წევრები იყვნენ"- ოლანდი
საფრანგეთის პრეზიდენტი ფრანსუა ოლანდის განცხადებით, თავდამსხმელები, რომლებმაც საფრანგეთის ქალაქ სენ-ეტიენ დუ რუვრეში მდებარე ეკლესიას დაესხნენ თავს, დაჯგუფება „ისლამური სახელმწიფოს“ წევრები იყვნენ.
ოლანდმა განაცხადა, რომ მიუხედავად ყველაფრისა, საფრანგეთი გააგრძელებს ISIS-თან ბრძოლას.
შეგახსენებთ, თავდასხმა ეკლესიაზე დღეს მოხდა. ორმა თავდამსხმელმა მძევლად აიყვანა 6 პირი და ყელი გამოჭრა ეკლესიაში მყოფ მღვდელს, 84 წლის ჟაკ ჰამელს.
სამართალდამცველების ინფორმაციით, თავდამსხმელებმა ერთი მძევალი დაჭრეს, მისი მდგომარეობა კრიტიკულია.
მომხდარს გამოეხმაურა რომის პაპი ფრანცისკე და თავდასხმას „აბსურდული ძალადობა“ უწოდა.
0