11:41:30 06-05-2016
ლევან როსტოშვილი (როსტო) და მსახიობი ლაშა კურტანიძე დააკავეს
თბილისში, გვიან ღამით, ნარკოდანაშაულის ბრალდებით ორი პირი დააკავეს.
შსს-ში განმარტავენ, რომ ორი პირი სსკ-ის 260-ე მუხლის მე-6 ნაწილითაა დაკავებული, რაც ნარკოტიკული საშუალების, მისი ანალოგის, პრეკურსორის ან ახალი ფსიქოაქტიური ნივთიერების უკანონო გასაღებას განსაკუთრებით დიდი ოდენობით; ორგანიზებული ჯგუფის მიერ გულისხმობს. დანაშაულის დამტკიცების შემთხვევაში, აღნიშნული ქმედება ისჯება თავისუფლების აღკვეთით ვადით რვიდან ოც წლამდე, ან უვადო თავისუფლების აღკვეთით.
შსს-ში დაკავებულების ვინაობას არ აკონკრეტებენ, თუმცა, გავრცელებული ინფორმაციით, დაკავებულები ტელეწამყვანი და სპორტსმენი ლევან როსტოშვილი („როსტო“) და „ჩემი ცოლის დაქალების“ მსახიობი ლაშა კურტანიძე არიან.
0