17:59:32 04-05-2016
ვინ ჩაანაცვლა გენერალი ფილიპ ბრიდლავი?
დღეს ამერიკელი გენერალი კიორტის სკაპაროტი ოფიციალურად შეუდგა ევროპაში ნატო-ს გაერთიანებული ძალების ხელმძღვანელობას. ამ პოსტზე მან გენერალი ფილიპ ბრიდლავი ჩაანაცვლა.
სკაპაროტის კანდიდატურა ალიანსს ამერიკის პრეზიდენტმა ბარაკ ობამამ შესთავაზა. გენერალი ადრე სამხრეთ კორეაში ამერიკულ კონტიგენტს ხელმძღვანელობდა. პენტაგონის მოსაზრებით, მან წარმატებით განახორციელა ეს მისია და მზადაა უკვე ნატო-ს გაერთიანებულ ძალებს ჩაუდგეს სათავეში.
ევროპაში ნატო-ს გაერთიანებული ძალების ხელმძღვანელებად ტრადიციულად ამერიკელ გენერლებს ნიშნავენ და ალიანსის ძალების გარდა, ისინი ევროპულ სახელმწიფოებში დისლოცირებულ მთელ ამერიკულ კონტიგენტზეც აგებენ პასუხს.
0