17:31:37 21-04-2016
სირიის ქალაქებიდან 500 დაჭრილი სირიელის ევაკუირება განხორციელდა
საერთაშორისო ორგანიზაციებმა ოთხი სირიული გათავისუფლებული ქალაქიდან 500 დაჭრილი სირიელის ევაკუირება მოახერხეს.
ეს ხუთწლიანი კონფლიქტის მანძილზე დაშავებულთა ყველაზე მასშტაბური ევაკუირებაა.
გაერო-ს წარმომადგენლის თქმით, ეცაკუირების ოპერაცია რამდენჯერმე გადაიდო, თუმცა საბოლოოდ ის წარმატებულად დასრულდა.
იან ეგელანის თქმით, ევაკუაცია სირიის "წითელმა ჯვარმა" ორგანიზაციის საერთაშორისო კომიტეტთან და გაერო-სთან ერთად განახორციელა.
გაეროს წარმომადგენლები აცხადებენ, რომ ყველა გამოყვანილი დაზარალებული დაუყოვნებლივ იქნება უზრუნველყოფილი სიცოცხლის შესანარჩუნებლად საჭირო მედიკამენტებითა და სხვა სახის დახმარებებით.
0