როგორ მოვამზადოთ ხაჭაპურის ცომი?

გემრიელი ხაჭაპურის გამოცხობა მისთვის ცომის მომზადებით იწყება. მრავალი თქვენგანისთვის ალბათ არაერთი წესია ცნობილი ხაჭაპურის ცომის მოსამზადებლად. ზოგ ახალბედა დიასახლისს კი ჯერ არცერთ მათგანზე არაფერი სმენია. ნებისმიერ შემთხვევაში ვეცდები საქმე გაგიმარტივოთ და შემოგთავაზებთ ცომის მომზადების ერთ მარტივ და უნივერსალურ წესს აჭარული, მეგრული თუ იმერული ხაჭაპურის მოსამზადებლად!

როგორ მოვამზადოთ ხაჭაპურის ცომი?

მასალა სამი ცალი ხაჭაპურის ცომის მოსამზადებლად:

1.15 კილოგრამი ფქვილი

200 მილილიტრი წყალი

1 სუფრის კოვზი საფუარი

200 მილილიტრი რძე

1 ცალი კვერცხი

50 მილილიტრი ზეთი

შეათბეთ წყალი 35C გრადუსამდე და გახსენით მასში საფუარი. მოათავსეთ 1 კილოგრამი ფქვილი ღრმა თასში და გაუკეთეთ ჩაღრმავება. ჩაუმატეთ საფუვრიანი წყალი, ზეთი, რძე და ჩაატეხეთ ერთი კვერცხი. სურვილისამებრ შეურიეთ 1 სუფრის კოვზი შაქარი, ცომისთვის ოქროსფერი ბზინვარების მისანიჭებლად. ხელით შეურიეთ ეს ყველაფერი ერთმანეთს და რბილ ცომს ბურთის ფორმა მიეცით. შეფუთეთ და დატოვეთ თბილ ადგილას 2 საათით. შემდეგ, აფუებულ ცომს ჩაუმატეთ 150 გრამი ფქვილი და გადაზილეთ. დაყავით სამ თანაბარ ნაწილად და თითოეულს მიეცით ბურთის ფორმა. შეფუთეთ და შეინახეთ, ან განაგრძეთ ცხობა სასურველი ხაჭაპურის რეცეპტით! 0

ავტორი: