ჩარლი შინის ახალი ამპლუა

ჩარლი შინი სნუპ დოგთან ერთად სიმღერის ჩაწერას გეგმავს. ამის შესახებ ინფორმაციას საიტი “Gigwise” ავრცელებს.

შინმა საკუთარ ბლოგზე, “ტვიტერზე” დაწერა, რომ სნუპ დოგს და რობ პატერსონს შეხვდა. ეს უკანასკნელი ჯგუფების “Filter”- ის და “Korn” – ის გიტარისტია. დღესდღეობით, პატერსონი შინთან უკვე თანამშრომლობს, მუსიკალური დირექტორის ამპლუაში. ის ჩარლის შოუს ”Torpedos of Truth/Failure is not an option” მუსიკალურ გაფორმებაზე მუშაობს.

შინი, ჯერჯერობით, არ აზუსტებს კონკრეტულად რის ჩაწერას გეგმავს სნუპ დოგთან და პატერსონთან. ამას გარდა, მსახიობმა თავის ბლოგზე ფოტოსურათიც გამოაქვეყნა, სადაც ის და მისი კოლეგები სტუდიაში მუშაობენ.

ცნობილია, რომ 2011 წლის მარტის დასაწყისში ჩარლი შინი ტელესერიალ “ორნახევარი ადამიანიდან” დაითხოვეს, სადაც ის მთავარ როლს ასრულებდა. როგორც კომპანიამ განმარტა, მსახიობი არაადეკვატური საქციელისათვის დაისაჯა. 

0

ავტორი: