12:49:16 07-10-2015
რესტორან "ასტორიასთან" მარკეტი დააყაჩაღეს - თავდამსხმელმა მიმალვა მოასწრო
გუშინ საღამოს, ორთაჭალაში, რესტორან "ასტორიასთან" ახლოს მდებარე მარკეტში ყაჩაღობა მოხდა. მარკეტში უცნობი პირი შეიჭრა და თანხა გაიტაცა. დაზარალებულია მაღაზიაში მყოფი ერთ-ერთი ქალბატონიც, რომელსაც უცნობმა პირმა თავში ჩაარტყა.
ადგილზე მივიდა საპატრულ პოლიციის ეკიპაჟიც, თუმცა ბრალდებულმა მიმალვა მოასწრო.
როგორც Presa.ge-ს შსს-ს პრეს-სამსახურიდან აცნობეს, ფაქტზე გამოძიება უკვე მიმდინარეობს, საქმე სისხლის სამართლის კოდექსის 179-ე მუხლით აღიძრა, რომელიც ყაჩაღობას გულისხმობს.
სხვა დეტალები გამოძიების ინტერესებიდან გამომდინარე არ ვრცელდება.
0