10:50:19 26-03-2011
კადაფის ჯილდო ერთგული ჯარისკაცებისთვის
ლიბიის ლიდერმა მუამარ კადაფიმ, ყველა იმ სამხედრო მოსამსახურეს და პოლიციელს, ასევე თავდაცვის უწყების ნებისმიერ თანამშრომელს, ვინც მისი ერთგული დარჩა, სამხედრო ჩინი მოუმატა. ამის შესახებ სააგენტო “ჯანა” იტყობინება.
ქვეყნის მეთაურის ბრძანებით, ჩინი მოემატა სახალხო არმიის, ასევე სამხედრო-საზღვაო ფლოტის და სამხედრო-საჰაერო ძალების მოსამსახურეებს, რომლებიც, მისი სიტყვებით, ოკუპანტების აგრესიისაგან იცავენ “დიდ ჯამაჰარიას.”
სააგენტოს ცნობით, თითოეულ სამხედრო მოსამსახურეს და სამართალდამცველი ორგანოების წარმომადგენელს, ჩინი, ამჟამად არსებულთან შედარებით, ერთი საფეხურით მოემატებათ. ბრძანების მოქმედება მის გამოქვეყნებისთანავე შევა ძალაში. 0