11:38:37 28-08-2015
ბორჯომში სამართალდამცავებმა სლოვაკ ტურისტებს დაკარგული ნივთები დაუბრუნეს
ბორჯომის რაიონული სამმართველოს თანამშრომლებმა სლოვაკ ტურისტებს დაკარგული ნივთები დაუბრუნეს.
შსს-ს სამცხე-ჯავახეთის სამხარეო მთავარი სამმართველოს ბორჯომის რაიონული სამმართველოს თანამშრომლებმა, ჩატარებული ოპერატიული-სამძებრო ღონისძიებების შედეგად, სლოვაკეთის რესპუბლიკის მოქალაქეების დაკარგული ნივთები იპოვეს და კანონიერ მფლობელებს დაუბრუნეს.
შსს-ს ინფორმაციით, სლოვაკეთის ორი მოქალაქეს პეტრა კ-ს და მის მეგობარს თიბორ დ-ს მიკროავტობუსით თბილისიდან ბორჯომის მიმართულებით მგზავრობისას ტრანსპორტში დარჩათ საფულე პირადი საბუთებით, 2 საკრედიტო ბარათი, სადაზღვევო პოლისის და სამგზავრო ბარათები, 2300 ევრო და 160 ლარი.
სამართალდამცველებმა დაადგინეს მიკროავტობუსი, რომლითაც სლოვაკი ტურისტები მგზავრობდნენ, დაკარგული ნივთები იპოვეს და კანონიერ მფლობელებს დაუბრუნეს.
0