19:21:24 20-06-2015
ჭავჭავაძის გამზირზე შვილმა დედა დაჭრა
თბილისში, ჭავჭავაძის გამზირზე შვილმა დედას ყელის არეში ჭრილობა მიაყენა.
შინაგან საქმეთა სამინისტროს ინფორმაციით, დედა საავადმყოფოშია გადაყვანილი.
"ქალი გარდაცვლილი არ არის. ის დაჭრილია და სხეულის დაზიანებით საავადმყოფოშია გადაყვანილი", - აცხადებენ შსს-ში. დაჭრილს რესპუბლიკურ საავადმყოფოში
ოპერაცია უტარდება.
მეზობლების ინფორმაციით, დაჭრილს, სავარაუდოდ, უფროს შვილთან შეკამათება მოუვიდა.
"დაჭრილს ორი შვილი ჰყავს, მათ შორის ერთი 4 წლის. სწორედ უმცროსი შვილისგან ვიცი, რომ უფროს შვილს მოუვიდა შეკამათება დედასთან და ყელში დაჭრა", - განაცხადა ერთ–ერთმა მეზობელმა.
შვილმა, რომელიც დედის დაჭრაშია ეჭვმიტანილი, რამდენჯერმე სცადა
თვითმკვლელობა და მეთერთმეტე სართულიდან გადმოხტომა, თუმცა, სამართალდამცავებმა მას ამის საშუალება არ მისცეს.