10:58:31 09-03-2011
ახალი სერიალი, ნაცისტები და მისტიკა
ტელეკომპანია “HBO” ახალ სერიალს ამზადებს, რომლის სცენარიც მეორე მსოფლიო ომის პერიოდს შეეხება. სერიალში ჯადოქართა ჯგუფი, ომის დროს, ნაცისტებს ებრძვის.
როგორც “Variety” იუწყება, სცენარზე მწერალი მაიკლ შეიბონი და მისი მეუღლე ეილეტ ვალდმანი მუშაობენ. შეიბონი რამდენიმე წიგნი-ბესტსელერის და ფილმის სცენარის ავტორია.
ტელეკომპანიას კი მისტიკური და ოკულტური სერიალების ჩვენების გამოცდილება უკვე აქვს, რაც მაყურებელში დიდ ინტერესს იწვევს. შესაბამისად, მომავალი ფილმის ავტორები ახალ კინოსურათსაც პოპულარობას უწინასწარმეტყეველებენ.
0