11:02:33 07-03-2011
ირანული სამხედრო გემები და “სამშვიდობო მესიჯი”
ირანული სამხედრო ხომალდები წითელ ზღვაში გავიდნენ. ამის შესახებ, ისლამური რესპუბლიკის სამხედრო-საზღვაო ძალების მეთაურმა ჰაბიბოლა საიარიმ განაცხადა.
როგორც “პრესთივი” იუწყება, საიარიმ აღნიშნა, რომ გემების მისია წარმატებით დასრულდა, მიუხედავად იმისა, რომ ისრაელის ხელისუფლება ოპერაციისათვის ხელის შეშლას ყველანაირად ცდილობდა.
როგორც ცნობილია, ფრეგატი “ალვანდი” და დამხმარე გემი “ჰარიუ” სირიის სანაპიროებთან იმყოფებოდნენ, სადაც სამხედრო სწავლებებში მიიღეს მონაწილეობა.
ისრაელის ხელისუფლებამ ირანის ქმედებას “ღია პროვოკაცია” უწოდა. ირანის სამხედრო-საზღვაო ძალების მეთაურის თქმით კი, ეს მანევრები იყო “მშვიდობისა და თანამშრომლობის მესიჯი, მსოფლიოს ყველა ქვეყნისადმი.”
0