ორცხობილა შოკოლადის ნატეხებით (მიშელ ობამას რეცეპტი)

    გამოდის 50-60 ცალი ორცხობილა;
    დრო მოსამზადებლად: 15 წუთი;
    დრო გამოსაცხობად: 12 წუთი(თითოეული საცხობი ფირფიტასთვის).

ინგრედიენტები:

    2 1/4 ჭიქა ფქვილი
    1 ჩაის კოვზი საჭმელი სოდა
    1 ჩაის კოვზი მარილი
    1 ჭიქა დარბილებული უმარილო კარაქი
    1/2 ჭიქა დარბილებული მცენარეული ქარაქი
    3/4 ჭიქა გრანულირებული შაქარი
    3/4 ჭიქა ყავისფერი შაქარი
    1 ჩაის კოვზი ვანილის ექსტრაქტი
    2 კვერცხი
    2 ჭიქა დაქუცმაცებული ნიგოზი
    2 ჭიქა შავი/თეთრი შოკოლადის ნატეხები

პირველი ეტაპი:

გააცხელეთ ღუმელი 375 გრადუსზე. პატარა თასში ერთმანეთს შეურიეთ ფქვილი, საჭმელი სოდა და მარილი. მეორე, მოზრდილ თასში კი ელექტრონული მიქსერით გათქვიფეთ დარბილებული კარაქი, მცენარეული ქარაქი, გრანულირებული შაქარი, ყავისფერი შაქარი და ვანილის ექსტრაქტი.

მეორე ეტაპი:
დიდ თასში მონაცვლეობით ჩაამატეთ კვერცხები, გათქვიფეთ ყოველი ჩამატების შემდეგ. მიღებულ ნარევს ნელ-ნელა გაურიეთ ფქვილის მასა. ხელის გამოყენებით გაურიეთ ნიგოზი და შოკოლადის ნატეხებიც.

მესამე ეტაპი:
უცხიმო საცხობ ფირფიტაზე სუფრის კოვზით გადაანაწილეთ ცომი მრგვალ ფორმებად(რამდენიც დაეტევა) და გამოაცხვეთ 375 გრადუსზე 10-12 წუთით, სანამ ოქროსფერ შეფერილობას არ მიიღებს. გამოცხობის შემდეგ 5 წუთით გააჩერეთ საცხობ ფირფიტაზე გასაცივებლად. განათავსეთ ცხაურზე სრულად გასაცივებლად. 0

ავტორი: