11:35:05 02-03-2011
ირანი და სირია ერთობლივ სამხედრო წრთვნებს ჩაატარებენ
ირანმა და სირიამ, სამხედრო–საზღვაო სწავლებების წარმოების შესახებ შეთანხმებას ხელი მოაწერეს. ამის შესახებ ინფორმაციას, ირანული საინფორმაციო სააგენტოები ავრცელებენ.
„ახალი შეთანხმება განამტკიცებს სამხედრო თანამშრომლობას ქვეყნებს შორის და გააძლიერებს ირანულ გავლენას რეგიონში,“ ეს ციტატა ებრაულ გამოცემებს, ირანულ მედიაზე დაყრდნობით მოჰყავთ. ირანის ისლამური რესპუბლიკის სამხედრო ფლოტის მეთაურის სიტყვებით, წრთვნების შემდეგ მოხდება ორი ქვეყნის სამხედრო პროექტების, იდეების და სპეციალისტების გაცვლა.
შეგახსენებთ, რომ მცირე ხნის წინ, პირველად 1979 წლის, ანუ ისლამური რევოლუცის შემდეგ, ირანულმა სამხედრო ხომალდებმა სუეცის არხი გაიარეს, რამაც ისრაელის ხელისუფლების შეშფოთება და პროტესტი გამოიწვია. 0