11:28:57 02-03-2011
ჯეინ რასელი გარდაიცვალა
ამერიკის შეერთებულ შტატებში, 89 წლის ასაკში მსახიობი ჯეინ რასელი გარდაიცვალა. სიკვდილის მიზეზი, სუნთქვის ორგანოების დაავადება გახდა.
ჯეინ რასელი 1921 წელს დაიბადა. კინემატოგრაფიაში პროდიუსერ და მილიონერ ჰოვარდ ჰიუზის მეშვეობით მოხვდა, რომელმაც ის 1941 წელს, ცნობილ ვესტერნში გადაიღო. დიდება, რომელიც რასელს პირველმა როლმა მოუტანა, სკანდალური აღმოჩნდა. მსახიობის ტანისამოსი იმ დროისათვის ზედმეტად გულახდილად მიიჩნიეს.
1953 წელს, რასელმა თავის ყველაზე ცნობილ ფილმ-კომედიაში “ჯენტლმენები ირჩევენ ქერათმიანებს” ითამაშა. ამავე კინოსურათში, მასთან ერთად, იმ დროისათვის ამომავალი ვარსკვლავი, მერლინ მონრო გამობწყინდა. რასელი და მონრო ამ ფილმში შავთმიანი და ქერა ქალბატონების როლს თამაშობდნენ, რომელნიც პოტენციურ საქმროებს ეძებენ.
მსახიობი 60-იანი წლების ბოლომდე მონაწილეობდა სხვადასხვა ფილმებში, ხოლო შემდეგ ტელევიზიაში გადავიდა, წერდა წიგნებს. 2009 წელს ჟურნალმა “გლამურმა” ის 40 – იანი წლების ერთერთ საუკეთესო მსახიობად დაასახელა.
0