ქათმის ხორცი თაფლით

მასალა:

    500 გრ ქათმის ფილე (პატარა ნაჭრებად დაჭრილი)
    1 კვერცხის ცილა
    40 გრ კარტოფილის ფქვილი
    2 თავი ხახვი
    1 მწვანე ბულგარული წიწაკა
    2 სტაფილო
    1/4  ჭიქა თაფლი
    2 სუფრის კოვზი მოხალული ნუში
    მარილი და პილპილი გემოვნებით

გახურებულ ვოკს დაასხით ზეთი და აბრუნეთ ისე, რომ ცხიმი მის მთელ ზედაპირს მოედოს. დაჭრილი ხორცის ფილე ნაწილ-ნაწილ ამოავლეთ ათქვეფილ ცილაში, შემდეგ კარტოფილის ფქვილში და შეწვით მაღალ ცეცხლზე 4-5 წუთის განმავლობაში (სანამ არ მიიღებს ოქროსფერ შეფერილობას). გადმოიღეთ ქაღალდის პირსახოცზე, რომ დაიწრიტოს.

ხელახლა გაახურეთ ვოკი, დაამატეთ 1 სუფრის კოვზი ზეთი და შეწვით თხლად დაჭრილი ხახვი 3-4 წუთის განმავლობაში მაღალ ცეცხლზე. დაამატეთ დაჭრილი ბულგარული წიწაკა, სტაფილო და შუშეთ 3-4 წუთის განმავლობაში. თან მუდმივად ურიეთ.

შემწვარი ბოსტნეული ამოავლეთ თაფლში, დაამატეთ ნახევრადშემწვარი ქათამი, ხელახლა აურიეთ ყველაფერი და გადმოდგით ცეცხლიდან. დაამატეთ მარილი, პილპილი და მოაყარეთ მოხალული ნუში. სუფრასთან მიიტანეთ ცხელი. 0

ავტორი: