07:17:01 22-09-2014
ბადრიჯანი ბულგარულით
ბადრიჯანი ორგანიზმს ჭარბი ქოლესტერინისაგან ათავისუფლებს; ბადრიჯანი ბულგარულით კი ის გემრიელი კერძია, რომელიც ინგრედიენტების გემოვნებისამებრ განსაზღვრის საშუალებას გაძლევთ.
რეცეპტის ინგრედიენტები (გემოვნებისა და სურვილისამებრ):
ბადრიჯანი
ბულგარული წიწაკა (წითელი, ყვითელი და მწვანე)
ხახვი
ქინძი, ოხრახუში, რეჰანი
ნიორი
უცხო სუნელი
ქინძის სუნელი
მაიონეზი*
მარილი, პილპილი
~ მომზადების წესი ~
ბადრიჯანი წვრილად დავჭრათ სიგრძეზე და კარგად შევწვათ. როდესაც შეიწვება, გადავიტანოთ ემალის ქვაბში და დავამატოთ წვრილად (სიგრძეზე) დაჭრილი ფერადი ბულგარულები. ასევე დავამატოთ ალყა-ალყა დაჭრილი ხახვი, წვრილად დაჭრილი ქინძი, ოხრახუში და რეჰანი. ჩავაჭყლიტოთ რამოდენიმე კბილი ნიორი. ვუქნათ ცოტა უცხო და ცოტა ქინძის სუნელიც. მოვასხათ მაიონეზი, კარგად ამოვურიოთ და გემრიელად მივირთვათ!
0