13:57:56 25-02-2011
ესპანურ სამხედრო აკადემიაში აფეთქება მოხდა
მადრიდის მახლობლად მდებარე სამხედრო ბაზის ტერიტორიაზე შემთხვევითი აფეთქება მოხდა. ამის შესახებ „ლაიფ ნიუსი“ იტყობინება.
აფეთქების შედეგად, ხუთი ადამიანი დაიღუპა და ორი დაშავდა, რომელნიც საავადმყოფოში გადაიყვანეს. გამოცემის ინფორმაციით, სამხედრო მანევრების დროს ასაფეთქებელი მოწყობილობების დეაქტივიზაციის შემსწავლელი ვარჯიში მიმდინარეობდა, ახალგაზრდებს ლიბიის მისიისთვის ამზადებდნენ. სწორედ სწავლების დროს მოხდა ეს უბედური შემთხვევა.
ზუსტი მიზეზების შესახებ ინფორმაცია, ჯერჯერობით, არ ვრცელდება. ესპანური სამხედრო საინჟინრო აკადემია, ქალაქ ოიო დე მანსანარესში არის განთავსებული, რომელიც დედაქალაქიდან 35 კილომეტრში მდებარეობს. 0