11:35:01 24-02-2011
ჩრდილოეთ კორეა დაგეგმილმა წრთვნებმა აღაშფოთა
ჩრდილოეთ კორეა სეულისგან თებერვალში, აშშ-სთან ერთად დაგეგმილი სამხედრო წრთვნების გაუქმებას ითხოვს. სხვა შემთხვევაში, რეგიონში უსაფრთხოების გარანტიებს ვერ იძლევა. ამის შესახებ “ბიბისი” იუწყება.
ჩრდილოეთ კორეის “სამშობლოს მშვიდობიანად გასაერთიანებლად” კომიტეტის განცხადებაში ნათქვამია, რომ “ორ კორეას შორის ურთიერთობა სერიოზულ კრიზისს განიცდის და ამ სამხედრო მანევრებმა, შესაძლოა, საომარი მოქმედებები გამოიწვიოს.”
როგორც საინფორმაციო საშუალებები იტყობინებოდნენ, მიმდინარე თვეში, სამხრეთ კორეა მსხვილმასშტაბიან, ყოველწლიურ სამხედრო მანევრებს გეგმავს. მასში 12,5 ათასი ამერიკელი სამხედრო მოსამსახურე და 200 ათასი კორეელი ჯარისკაცი და ოფიცერი მიიღებს მონაწილეობას. დღეისათვის სამხრეთ კორეის ტერიტორიაზე 28,5 ათასი ამერიკელი სამხედრო იმყოფება. 0