11:51:46 16-07-2014
მინიფონდის მესამე სეზონზე კვლავ 4 პროექტი დაფინანსდა
ევროპული ბრენდი „მინიკრედიტი“ მესამე სეზონია ახორციელებს სოციალურ პროექტ „მინიფონდს“, რომლის ფარგლებშიც უკვე 12 პროექტი დაფინანსდა.
მიმდინარე სეზონზე მონაწილეობას საკმაოდ საინტერესო და მრავალფეროვანი პროექტები იღებდა. გამარჯვებულ პროექტებს შორის არიან: მშვილდოსნობის განვითარება საქართველოში, ექსტრემალური ძალოსნობის განვითარება, მჯდომარე ფრენბურთის განვითარება საქართველოში, შუა საუკუნეების კედლის მხატვრობის კვლევა-რესტავრაცია.
„მინიფონდი“ ორიენტირებულია საქართველოში მცხოვრები ადამიანების იდეების ფინანსურ მხარდაჭერაზე, მათი პირადი ან პროფესიული განვითარებისაკენ ისეთ სფეროებში როგორიცაა: განათლება, კულტურა, მეცნიერება, ხელოვნება, სპორტი და ასევე გარემოს კეთილმოწყობა.
პროექტში მონაწილეობის მიღების მსურველებმა:
- უნდა გაიარონ რეგისტრაცია საიტზე www.Mini-Fund.ge
- გადაიღონ და ატვირთონ ვიდეორგოლი იდეის შესახებ
- დააგროვონ ხმების მაქსიმალური რაოდენობა
- მიიღონ 2500 ლარამდე დაფინანსება საჩუქრად.
ორგანიზატორების მიზანია პროექტების დაფინანსება იყოს მაქსიმალურად გამჭვირვალე. შესაბამისად, მომხმარებლების პროექტებს ხმას აძლევს არა მინიფონდი, არამედ ხალხი.
უკვე განხორციელებული პროექტების ნახვა შესაძლებელია საიტზე www.Mini-Fund.ge.
არ გაუშვათ რეალური შანსი თქვენც მიიღოთ „მინიფონდის“ დაფინანსება. 0