10:16:01 22-02-2011
ირანი სირიისკენ სამხედრო ხომალდებს გზავნის
ირანის ორი სამხედრო ხომალდის სუეცის არხით გასვლა შემდეგ კვირამდე გადაიდო. არხის ადმინისტრაციამ უარყო ირანული პრესის ინფორმაცია იმის შესახებ, რომ ფრეგატმა და დამხმარე გემმა უკვე გადალახეს სუეცი და სირიის ნაპირებთან იმყოფებიან.
ამ დღეებში ეგვიპტის ხელისუფლებამ ირანულ გემებს სუეცის არხის გასავლელად თანხმობა განუცხადა. ირანულ ხომალდებს ამ მარშრუტით უკვე 30 წელია არ უსარგებლიათ. ისლამური რესპუბლიკის გემების შესაძლო გასვლამ ხმელთაშუა ზღვაში, ისრაელის დიდი შეშფოთება გამოიწვია.
როგორც ცნობილია, სირიასთან ისრაელი ფორმალურად ომის მდგომარეობაში იმყოფება.
ისრაელის საგარეო საქმეთა მინისტრმა ავიგროდ ლებერმანმა სუეცის არხში გემების დაგეგმილ გასვლას პროვოკაცია უწოდა. მინისტრის თქმით, ეს ფაქტი კიდევ ერთხელ ახდენს იმის დემონსტრირებას, რომ ირანელების თვითდაჯერება და თავხედობა ყოველდღიურად სულ უფრო მეტად იზრდება.
0