მე ლეგენდა ვარ! - შაშხანა, რომელმაც ბენ ლადენი მოკლა (+VIDEO)

ალ-ქაიდას მეთაურის განადგურებაში დიდი წვლილი თურმე გერმანელებს მიუძღვით - მათ შექმნეს იარაღი, რომელმაც მსოფლიოში ყველაზე საშიში ტერორისტის სიცოცხლე დაასრულა.

პრესაში უკვე არაერთხელ დეტალურად აღწერეს სად და რა გარემოებაში მოკლეს ოსამა ბენ ლადენი. ახლა კი დადგა დრო კიდევ ერთი საიდუმლო გავხსნათ: რომელი იარაღიდან იქნა მოკლული ალ-ქაიდას მეთაური?

აშშ-ის საზღვაო სახმელეთო ჯარების ხელმძღვანელობა ოფიციალურად ინფორმაციას არ ავრცელებს.

თუმცა სამხედრო გამოცემა Military Times-მა საკუთარ წყაროებზე დაყრდნობით აღმოაჩინა ზუსტად ის იარაღი, რომლითაც ოსამა ბენ ლადენი იქნა ლიკვიდირებული.

ჟურნალისტები ამტკიცებენ, რომ ოსამას სიცოცხლე 5.56 მმ. კალიბრის ტყვიამ იმსხვერპლა, რომელიც საიერიშო შაშხანა HK416-დან იქნა გასროლილი.

HK416-ის შაშხანა ამერიკული ავტომატის M-16-ის სპეცრაზმულ მოდიფიკაციას წარმოადგენს.

იარაღი გერმანული კომპანიის Heckler & Koch-ის მიერ სპეციალურად აშშ-ის სპეცდანაყოფისთვის Delta Force-სთვისაა შექმნილი.

ამ იარაღს გააჩნია გაზის სისტემა, რომელიც მექანიზს დაბინძურების საშულაებას არ აძლევს. გარდა ამისა, HK416-ის ძლიერ მხარედ შეიძლება ჩაითვალოს მაღალი სიზუსტე 20 ათასი გასროლის შემდეგაც კი. ამას დამატებული შაშხანა წყალში დიდი ხანი ყოფნის შემდეგაც არ დაგაღალატებთ.

იხილეთ ვიდეო 0

ავტორი: