ალუბლიანი ნამცხვარი "ქოხი"

ინგრედიენტები: კარაქი ან მარგარინი 200 გ არაჟანი 200 გ ფქვილი 3 ჭიქა სოდა 1/2 ჩ.კ შიგთავსი: დაჭრილი ნიგოზი 3/4 ჭიქა უკურკო ალუბალი 800 გ გარგრის მურაბა კრემი ნაღები 35 % 500 გ შაქრის პუდრი მინანქარი შოკოლადი
გავცრათ ფქვილი და სოდა, დავახეხოთ ცივი კარაქი ან  მარგარინი. ავურიოთ ხელით, მივიღებთ ფხვიერ, ქვიშისებურ მასას. დავამატოთ არაჟანი, მოვზილოთ ცომი, დავყოთ 15 ნაწილად და შევინახოთ მაცივარში 2 საათით.

ცომის  თითოეული ნაწილიგავაბრტყელოთ 20-25 სმ.სიგრძეზე და დაახლოებით 7-8 სმ.სიგანეზე, ფუნჯით გადაუსვათ გარგრის მურაბა, მოვაყაროთ ნიგოზის ნაწილი, ზემოდან დავალაგოთ ალუბლები. მოვუკრათ ცომს პირი, გამოგვივა მილისებური ფორმის ნაწარმი. ასე გავაკეთოთ დანარჩენი ცომიც.

დავალაგოთ ღუმელის საცხობ ტაფაზე ნაწილ-ნაწილ და გამოვაცხოთ 200 გრადუსზე, სანამ ოქროსფერსარ მიიღებს.

მოვამზადოთ კრემი:

ავთქვიფოთ ნაღები სანამ სქელ, ნაზ  კრემს არ მივიღებთ. შაქრის პუდრა გემოვნებით დავამატოთ.

ავაწყობთ ნამცხვარი პირამიდისებურად:

ჯერ 5 ცალი მილი დავდოთ და წავუსვათ კრემი, მერე 4 ცალი,  ისევ კრემი და ასე ბოლომდე.

გავაჩეროთ 1 ღამე მაცივარში. ზემოდან შეგვიძლია მოვასხათ გამდნარი შოკოლადი 0

ავტორი: