03:24:33 19-03-2014
იაცენიუკი: რუსეთთან კონფლიქტი სამხედრო ფაზაში გადავიდა
უკრაინის პრემიერ-მინისტრის მოვალეობის შემსრულებლის, არსენი იაცენიუკის თქმით, რუსეთ-უკრაინის კონფლიქტი „სამხედრო ფაზაში“ გადავიდა: ყირიმში რუსმა ჯარისკაცებმა ცეცხლი გაუხსნეს უკრაინელ სამხედრო მოსამსახურეებს. იაცენიუკმა მომხდარს „სამხედრო დანაშაული“ უწოდა.
ვრცელდება აგრეთვე უკრაინის სამხედრო პრესმდივნის, ვლადისლავ სელეზნიოვის განცხადება, რომ ყირიმში თავდასხმისას უკრაინელი ჯარისკაცი დაიღუპა.
ვლადიმირ პუტინმა და ყირიმის ლიდერებმა მოსკოვში ხელი მოაწერეს ხელშეკრულებას, რომელიც რუსეთის ფედერაციის შემადგენელ ნაწილად უკრაინის კუთვნილ ყირიმსა და ქალაქ სევასტოპოლს აცხადებს. დასავლეთის ქვეყნები რუსეთის ამ ნაბიჯს ტერიტორიის მიტაცებად მიიჩნევენ.
0