16:10:17 27-02-2014
სასამართლოსთან ოთხი პირი დააკავეს, მათ შორის "საზოგადოებრივი ინიციატივას" ხელმძღვანელი
ვანო მერაბიშვილის მომხერეებსა და მოწინააღმდეგეებს შორის თბილისის საქალაქო სასამართლოსთან მომხდარი ჩხუბის გამო 4 ადამიანია დაკავებული.
როგორც "პრესა.ჯი"-ს აცნობეს, დაკავებული არიან ფარნაოზ ჭკადუა, დავით ბობოხია, ირაკლი ჩხვირკია და ლაშა ფარულავა.
"პრესა.ჯი"-სთან საუბრისას, ორგანიზაციის პრესსამსახურის ხელმძღვანელმა ვიკა მებონიამ აღნიშნა, რომ „საზოგადოებრივი ინიციატივა“ მონიტორინგს უწევდა ყოფილი პრემიერის, ვანო მერაბიშვილის, სასამართლო პროცესებს და მისი წარმომადგენლები სასამართლო სხდომებს მუდმივად ესწრებოდნენ.
"როგორც ცნობილია, დღეს სასამართლო განაჩენის გამოცხადების შემდგომ, სასამართლოს ეზოში ფიზიკური დაპირისპირება მოხდა ვანო მერაბიშვილის მომხრეებსა და მოწინააღმდეგე პირებს შორის.
ლაშა ფარულავა ცდილობდა გამოსვლას სასამართლოს ეზოდან, რომელიც სამართალდამცავებმა ჩაკეტეს. მან რამოდენიმეჯერ აღნიშნა, რომ წარმოადგენდა არასამთავრობო სექტორს და არ ერეოდა ჩხუბში, მაგრამ მანდატურებმა იგი მაინც დააკავეს და სასამართლოს ოზოლატორში მოათავსეს.
მოვითხოვთ პასუხს, რის გამო მოხდა ლაშა ფარულავას დაკავება",- ამბობენ კოალიციაში. 0