15:38:39 07-02-2011
ირანი ბალისტიკური რაკეტებით იმუქრება
ახლო მომავალში, ირანი ხომალდთსაწინააღმდეგო ბალისტიკური რაკეტების სერიის წარმოებას იწყებს. ამის შესახებ ირანული სააგენტო “ისნა” იუწყება. როგორც “ისლამური რევოლუციის გუშაგების” ხელმძღვანელმა, ბრიგადის გენერალმა მოჰამად ალი ჯაფარიმ განაცხადა, რაკეტები მოწინააღმდეგის რადარებისათვის შეუმჩნეველი იქნება.
საინფორმაციო საშუალებების ცნობით, ჯერჯერობით, არ კონკრეტდება ახალი რაკეტების სახელწოდება. თუმცა, ცნობილია, რომ ამ პროექტის შედეგად გაცილებით უფრო ზუსტი რაკეტები შეიქმნა.
ირანელი სახმედროების შეფასებით, ირანს ძირითადი საფრთხე ზღვიდან და ჰაერიდან ემუქრება. სწორედ ამ საფრთხეების გათვალისწინებით იქმნება ახალი იარაღი და საავიაციო სისტემა. როგორც “ისნა” აღნიშნავს, ირანმა ახალი ტიპის რადარიც შექმნა, რომლის მოქმედების დიაპაზონი 1100 კილომეტრია. რადარების წარმოება 2012 წელს დაიწყება.
0