11:37:54 20-12-2013
სოჭის ოლიმპიადას ბოიკოტს ლიტვის პრეზიდენტიც უცხადებს
სოჭის ოლიმპიადას ბოიკოტს ლიტვის პრეზიდენტი დალია გრიბაუსკაიტეც უცხადებს. როგორც ლიტვის პრეზიდენტმა აღნიშნა, ეს გადაწყვეტილება რუსეთის ამჟამინდელი პოლიტიკის გამო მიიღო.
ადგილობრივი მედიის ცნობით, ერთ-ერთი მიზეზი ლიტვის მიმართ რუსეთის მიერ გატარებული სანქციებიცაა. "ვერ ვხედავ სოჭის ოლიმპიადაზე გამგზავრების პოლიტიკურ შესაძლებლობას, შექმნილი სიტუაციიდან გამომდინარე; რუსეთში ვხედავ ადამიანის უფლებების დარღვევას, მის დამოკიდებულებას აღმოსავლეთ პარტნიორების, მათ შორის ლიტვის მიმართ და ჩვენს წინააღმდეგ გატარებულ ეკონომიკურ სანქციებს", - განუცხადა ლიტვის პრეზიდენტმა ჟურნალისტებს ბრიუსელში.
შეგახსენებთ, რომ 2014 წლის სოჭის ზამთრის ოლიმპიურ თამაშებს ასევე არ დაესწრებიან აშშ-ის, საფრანგეთისა და გერმანიის პრეზიდენტები. საქართველოს პრემიერ-მინისტრის გადაწყვეილებით, სოჭში არ ჩავა საქართველოს მთავრობაც.
0