11:57:48 29-08-2013
მსოფლიო ობამას გადაწყვეტილებას ელოდება
აშშ-ის პრეზიდენტი ბარაქ ობამა მიიჩნევს, რომ სირიაში ქიმიური იარაღის გამოყენებამ ზიანი მიაყენა აშშ-ის ეროვნულ ინტერესებს და კონფლიქტში სამხედრო ჩარევა სირიაში მიმდინარე ომზე პოზიტიურ გავლენას იქონიებს.
მიუხედავად ამისა, ტელეკომპანია PBS-სთვის მიცემულ ინტერვიუში პრეზიდენტმა ობამამ განაცხადა, რომ ჯერ არ მიუღია საბოლოო გადაწყვეტილება, დაიწყებს თუ არა აშშ სირიაში სამხედრო მოქმედებებს.
აშშ-ის პრეზიდენტის კომენტარი გაერო-ს გენერალური მდივნის პან კი მუნის განცხადებას მოჰყვა, რომელმაც განაცხადა, რომ "მშვიდობას შანსი უნდა მიეცეს და კონფქლიტი დიპლომატიური მოლაპარაკებების გზით მოგვარდეს".
სირიის კონფლიქტში საერთაშორისო ჩარევას ეწინააღმდეგება ბაშარ ალ-ასადის მოკავშირე და საქარტველოს ოკუპანტი რუსეთი და ყველანაირად ბლოკავს გაერო-ს უშიშროების საბჭოს ერთიანი გადაწყვეტილებას მიღებას.
21 აგვისტოს დამასკოში განხორციელებული თავდასხმის შედეგად 300-ზე მეტი ადამიანი დაიღუპა. გავრცელებული ინფორმაციით, სირიის შეიარაღებულმა ძალებმა მოსახლეობის წინააღმდეგ ქიმიური იარაღი გამოიყენეს.
0