11:17:14 12-03-2013
პრეზიდენტი: მოვუწოდებ მთავრობას, გადახედოს პოლიტიკურად მოტივირებულ გადაწყვეტილებას
საქართველოს პრეზიდენტი მიხეილ სააკაშვილი, აგრარული უნივერსიტეტისთვის ავტორიზაციის შეჩერებას „ფეისბუქის“ საკუთარი გვერდიდან გამოეხმაურა.
ქვეყნის პირველი პირი, მიღებულ გადაწყვეტილებას პოლიტიკურად მოტივირებულ გადაწყვეტილებას უწოდებს.
მიხეილ სააკაშვილი: "ხელისუფლება საქართველოს ყველაზე თანამედროვე და პროგრესული უნივერსიტეტის დახურვას ცდილობს. ამით დარტყმას აყენებს საქართველოს მომავალს.
სრულიად ნათელია, რომ ეს გადაწყვეტილება დაუსაბუთებელი და უსამართლოა ყველასთვის, ვისაც ობიექტურობის ნატამალი მაინც შერჩენია.
მოვუწოდებ მთავრობას, გადახედოს პოლიტიკურად მოტივირებულ გადაწყვეტილებას, რომელმაც შესაძლოა კატასტროფულ შედეგებამდე მიგვიყვანოს", - წერს პრეზიდენტი.
0