18:22:48 18-01-2013
ირაკლი ოქრუაშვილს კიდევ ერთი ბრალდება მოეხსნა
თავდაცვის ყოფილ მინისტრ ირაკლი ოქრუაშვილს კიდევ ერთი ბრალდება მოეხსნა. თბილისის საქალაქო სასამართლოს ინფორმაციით, დღეს, სასამართლომ ბრალდებულების დავიდ მაიერისა და ირაკლი ოქრუაშვილის მიმართ სისხლის სამართლებრივი დევნა შეწყვიტა.
ბრალდების მხარემ ორივე სისხლის სამართლის საქმეზე მოხსნა წარდგენილი ბრალდებები, კერძოდ, ბრალდებულ დავიდ მაიერის მიმართ საბრძოლო მასალის მართლსაწინააღმდეგო შეძენა, შენახვა და ტარებისათვის, ხოლო ირაკლი ოქრუაშვილის მიმართ შეიარაღებული ფორმირების შექმნასა და ხელმძღვანელობისათვის.