14:25:57 09-11-2012
მოდესპოტო ივანიშვილი და მისი "ლეღვის ფოთოლი" - რა მოხდა კანცელარიაში
ივანიშვილი ნელა, მაგრამ სტაბილურად ყალიბდება დიქტატორად. მას ისღა დარჩენია, პირდაპირ განაცხადოს „კანონი - ეს მე ვარ“. კანონსა და კონსტიტუციაზე გვერდის ავლა, მან რამდენჯერმე ღიად სცადა, მაგრამ საერთაშორისო ზეწოლის შემდეგ დაამუხრუჭა.
ერთერთი ასეთი განცხადება გახლდათ პრეზიდენტის გადადგომის მოთხოვნა, რაც მალევე უარყო. მაშინ ისევ საერთაშორისო დონის პოლიტიკოსების გავლენით დაეშვა მიწაზე.
უსაფრთხოდ დაშვება, კიდევ მრავალჯერ განიცადა, მაგრამ კოკა წყალს სულ რომ არ მოიტანს, სოფელში გაზრდილ კაცს კარგად უნდა ესმოდეს. ბოლო ნონსენსი, თბილისის არჩეული მერის, მთავრობის სხდომაზე არდაშვება გახლდათ.
ივანიშვილის ძირითადი სამშობლო რუსეთის გარდა, ასეთი რამ რუკაზე არსებულ ორ–სამ ქვეყანაში შეიძლებოდა მომხდარიყო.
რუსეთუმე პრემიერ მინისტრს შეიძლება თბილისის მერთან დაკავშირებით აქვს კითხვები, პრეტენზიებიც. ეს ბუნებრივია, მაგრამ მთავრობის სხდომაზე, ისე არ დაუშვა დედაქალაქის არჩეული მერი, როგორც საკუთარ სასახლეში მეჯლისზე არასასურველი სტუმარი.... თვით დიქტატურულ რუსეთსაც გააკვირვებს. იქ, ასე, ალბათ, შუასაუკუნეებში იქცეოდნენ იმპერატორები.
სამწუხაროა ისიც, რომ ერთ დროს ეკონომიკის ექსპერტი და "ბუნჩულა", ახლა კი ფინანსთა მინისტრი ხადური, ნელ-ნელა ემსგავსება საკუთარ პოლიტიკურ პატრონს.
ხადური, ისევე როგორც ივანიშვილი, ცალსახად პასუხისმგებელია ყველა იმ პრობლემაზე, რომელიც მისი ბოლშევიკური განცხადებებით თბილისში მცხოვრებ 600 ათას დევნილსა თუ სოციალურად დაუცველს შეექმნა.
ამ დროისთვის, ივანიშვილის მთავრობის რევანშისტული პოლიტიკის გამო, სოციალურად დაუცველები სახელმწიფო შეღავათებით უკვე ვეღარ სარგებლობენ.
სწორედ სოციალურად დაუცველთა შეღავათების აღდგენის საკითზე უნდა ესაუბრა გიგი უგულავას მთავრობის სხდომაზე. თუმცა, მოდიქტატორო-მოდესპოტო ივანიშვილმა თბილისის მერი მთავრობის სხდომაზე არ შეუშვა, ხოლო მისმა პოლიტიკურმა "ლეღვის ფოთოლმა" ხადურმა, ივანიშვილის ამ სულელური გადაწყვეტილების "გაპრავება" სცადა...
იხილეთ წყარო, გადადით ამ ბმულზე