13:23:05 08-10-2012
ივანიშვილის კიდევ ერთი უცნაური ახირება
ამ ამბებამდე, ვიღაცამ იხუმრა, ბიძინა თუ მოვა პარლამენტში უმრავლესობით, საკანონმდებლო ორგანოს ჭორვილაში გადაიტანსო.
ისე ყველაფერი კარგი აგიხდეთ. ივანიშვილმა განაცხადა, რომ გაპრემიერების შემდგომ, არ აპირებს დაჯდეს სახელმწიფო კანცელარიაში. მისი იმპერატიული სურვილია, „შუშის კოლბიდან“ „მოგვხედოს“.
როგორც ჩანს, ბიძინას გაუჭირდება ოლიგარქიული ვნებებიდან გამოსვლა. სავარაუდოდ, მას გარემოცვის რომელიმე საღად მოაზროვნე წევრი ან საერთაშორისო დონის კეთილისმსურველები აუხსნიან, რომ სახელმწიფო შპს არ არის, რომ ბიზნესცენტრიდან მართო.
კანცელარია, შეიძლება მის მაღალ გემოვნებას ვერ აკმაყოფილებს არქიტექტურული თვალსაზრისით, მაგრამ სახელმწიფო კანცელარიაა და ჯერ არც ერთ პრემიერ მინისტრს, არსად განუცხადებია, პოლიტიკას საკუთარი სახლის აივნიდან ან სამზარეულოდან წავმართავო.