ფონიჭალაში მომხდარ მკვლელობასთან დაკავშირებით, სხვადასხვა ვერსია ვრცელდება

გუშინ ფონიჭალაში მოხდარ მკვლელობასთან დაკავშირებით სხვადასხვა ვერსია ვრცელდება.  ექსპერტიზის საბოლოო დასკვნამდე, წინასწარი დათვალიერების შედეგად ცნობილი ხდება, რომ 17 წლის გოგონას ცეცხლსასროლი იარაღიდან თავში მიბჯენით ესროლეს, 21 წლის მამაკაცს კი, რომელიც გარდაიცვალა, ტყვია გულში მოხვდა.

გამოძიების ვერსიით, სულ ნასროლია ორი ტყვია. კრიმინალისტებმა შემთხვევის ადგილიდან ამოიღეს 2 მასრა, ორივე მოკლულის კუთვნილი „ტეტეს“ ტიპის ცეცხლსასროლი იარაღიდან არის ნასროლი. 

ერთ ერთი ვერსიით, 1991 წელს დაბადებულმა ზურაბ სხირტლაძემ „ტეტეს“ ტიპის იარაღით თავს 17 წლის შეყვარებული დაჭრა და შემდეგ თავი მოიკლა.

არსებობს საპირისპირო ვერსია, რომ გოგონამ მოკლა შეყვარებული. თუმცა სამართალდამცავები კიდევ ერთ ვერსიაზე მუშაობენ. ფიგურირებს თუ არა საქმეში მესამე პირი.

გოგონა ამ დროისთვის ინგოროყვას სახელობის კლინიკაშია გადაყვანილი. კლინიკაში არიან მისი ახლობლები და ოჯახის წევრები.

17 წლის გოგონას მშობლების განცხადებით, გამორიცხულია საქმეში ყოფილიყო მესამე პირი. როგორც ახლობლები აცხადებენ, მას სხირტლაძესთან სასიყვარულო რომანი ჰქონდა, რომელიც 2 წლის წინ დაიწყო.

წყვილს ხშირად ჰქონდათ კონფლიქტი, რომელიც 21 წლის ახალაგაზრდის ეჭვიანობის ნიადაგზე ხდებოდა. მათ ერთმანეთი სოციალურ ქსელის საშუალებით გაიცნეს. არასრულწლოვანს ოჯახის წევრები უკრძალავდნენ ზურაბ სხირტლაძესთან ურთიერთობას, თუმცა ის ახალგაზრდა მამაკაცს მაინც ხვდებოდა.

იარაღი რომლიდანაც სროლა განხორციელდა გარდაცვლილს ეკუთვნოდა. 21 წლის ახალგაზრდის მშობლების განცხადებით, ზურაბ სხირტლაძემ იარაღი თავდაცვის მიზნით შეიძინა. გარდაცვლილი  ბიჭის მშობლები მკვლელობაში არასრულწლოვან გოგონას ადანაშაულებენ.

ამ დრომდე კრიტიკული რჩება 17 წლის გოგონას ჯანმრთელობის მდგომარეობა. ის მართვით სუნთქვაზე იმყოფება.  მას აღენიშნება ჭრილობა თავის ქალის არეში და ტვინის დაზიანება. აქვს ღრმა კომატოზური მდგომარეობა.

ფონიჭალაში, სადგურის ქუჩაზე წუხელ 21 წლის ზურაბ სხირტლაძე გარდაიცვალა, 17 წლის გოგონა კი თავის არეში დაჭრილი იპოვეს.

0

ავტორი: