14:56:22 17-05-2012
20 წლის ნინო ბალახაძე მაზლმა საკუთარი შვილის თვალწინ მოკლა
თბილისის საქალაქო სასამართლოში გიორგი კუსაძის საქმის განხილვა მიმდინარეობს. მკვლელობამ, რომელიც კუსაძემ მიმდინარე წლის მარტში ჩაიდინა, მთელი თბილისი შეძრა.
1983 წელს დაბადებულმა გიორგი კუსაძემ, 20 წლის რძალი, ნინო ბალახაძე, საკუთარი შვილის თვალწინ, ცივი იარაღით მოკლა.
თბილისის პოლიციის მთავარი სამმართველოსა და ისანი-სამგორის პოლიციის თანამშრომლებმა, ერთობლივად გატარებული ღონისძიების შედეგად, იგი მკვლელობის ჩადენიდან მოკლე დროში დააკავეს.
შს სამინისტროს ინფორმაციით, კუსაძემ, მიმდინარე წლის 10 მარტს, ურთიერთშელაპარაკების ნიადაგზე, ცივი იარაღით მრავლობითი ჭრილობები მიაყენა საკუთარი ძმის ცოლს, 1992 წ.დ ნინო ბალახაძეს და მიიმალა შემთხვევის ადგილიდან, ხოლო ნინო ბალახაძე მიღებული ჭრილობების შედეგად ადგილზე გარდაიცვალა.
გატარებული ოპერატიულ-სამძებრო ღონისძიების შედეგად ბრალდებული დაკავებულ იქნა დანაშაულის ჩადენიდან რამდენიმე საათში. პოლიციის მიერ ამოღებული იქნა მკვლელობის იარაღი. დაკავებულმა აღიარა ჩადენილი დანაშაული.
დანაშაულის მოტივად ეჭვიანობა დასახელდა. ნინო ბალახაძის მეუღლე იმ დროისთვის სასჯელს იხდიდა, მისმა მაზლმა კი სასჯელაღსრულების დაწესებულება მკვლელობის ჩდენამდე ცოტა ხნის წინ დატოვა.
0