18:07:39 02-05-2012
ჩეჩენი ჩინოვნიკის ცოლი, მოსკოვში, გამვლელებს მოკვლითა და დასახიჩრებით ემუქრებოდა (ვიდეო)
რუსეთში ჩეჩნეთის სრულუფლებიანი წარმომადგენლის მოადგილის მეუღლემ და შვილმ,ა მოსკოვის ცენტრში მასობრივი ჩხუბი მოაწყვეს იმის გამო, რომ არ სურდათ საგზაო მოძრაობის წესების შენარჩუნება. ტამერლან მინგაევის ოჯახის წევრები ფიზიკური განადგურებით დაემუქრნენ საზოგადოებრივი მოძრაობა „სტოპხამ“-ის ერთ-ერთ წევრს, რომელიც გაწევ-გამოწევას ვიდეოზე იღებდა.
მოგვიანებით, ინცინდენტის ამსახველი ვიდეო ინტერნეტში გავრცელდა. თავად ჩეჩნეთის წარმომადგენლობაში მათი ჩინოვნიკის მეუღლის მუქარებთან დაკავშირებით კომენტარი არ კეთდება, თუმცა ვიდეორგოლი ბოლო საათებში ინტერნეტ-სკანდალად იქცა. რუსეთში, სადაც დიდი ხანია ჩეჩნების თავნებობისა და მათი დაუსჯელობის ტენდენციაზე აღშფოთებით საუბრობენ, კადიროვის ჩინოვნიკის ცოლის თავგასულობამ ეს აგრესია კიდევ უფრო გაამძაფრა.
ინცინდენტი იმით დაიწყო, რომ მადინა მინგაევამ თავისი მანქანა საგზაო მოძრაობის წესების უხეში დარღვევით გააჩერა, ხოლო როცა ეს გამვლელებმა შენიშნეს და შენიშვნა მისცეს, მათ ფიზიკური ანგარიშსწორებით დაემუქრა. მოძრაობა „სტოპხამის“ წევრს კი, რომელიც ჩხუბს ვიდეოზე იღებდა, ქალბატონმა განუცხადა, რომ ინცინდენტის შემსწრე პირები, ასევე თავად საზოგადოებრივი მოძრაობის წარმომადგენელი და მისი ოჯახის წევრები მოკლულები ან დასახიჩრებულები იქნებიან იმის გამო, რომ გაბედეს და ვიდეოზე გადაიღეს ისეთი მნიშვნელოვან პირთან დაკავშირებული ინცინდენტი, როგორიც კადიროვის ჩინოვნიკის მეუღლეა.
მადინა მინგაევასთან სასწრაფოდ გამოცხადდნენ „მაშველები“, ახლა უკვე თავად ისლამ მინგაევის თაოსნობით. მათ მოძრაობა „სტოპხამის“ აქტივისტებისგან გადაღებული ვიდეოს სასწრაფოდ წაშლა მოითხოვეს, რა დროსაც დაპირისპირება ხელჩართულ ჩხუბში გადაიზარდა.
მოსკოვში აღშფოთებულები არიან იმით, რომ ჩეჩნების მიერ ატეხილი დებოში და მუქარა პოლიციის ინტერესის საგანი არ გახდა, თუნდაც ინცინდენტის მომენტში. რუსული საინფორმაციო საშუალებები იუწყებიან, რომ პოლიციამ ვერ გაბედა ჩხუბში ჩარეულიყო. 0