21:58:12 13-04-2012
მოსკოვში, 7 წელი მიუსაჯეს ქართველ „კანონიერ ქურდს“, რომელიც პროკურორს აფეთქებით დაემუქრა (ვიდეო)
მოსკოვის სასამართლომ ქუთაისელ ე.წ. კანონიერ ქურდს რამაზ ძნელაძეს 7 წლით თავისუფლების აღკვეთა მიუსაჯა. როგორც რუსული მედია იუწყება, ძნელაძე პროკურორს მოკვლით და „ყველას აფეთქებით“ დაემუქრა.
მოსკოვის კუნცევის სასამართლომ განაჩენი დღეს გამოიტანა. 7-წლიან სასჯელთან ერთად რამაზ ძნელაძეს 150 ათასი რუბლის გახადაც დააკისრეს. ე.წ. ავტორიტეტი დამნაშავედ სცენს დიდი რაოდენობით ნარკოტიკული ნივთიერების შეანახვასა და ყალბი პასპორტის შეგნებულად გამოყენებაში.
სასამართლო საკმაოდ სკანდალური გამოდგა. მოსამართლე ელენა აგრაროვამ მოსკოვის ადვოკატთა კოლეგიაში ორი საჩივარი გაგზავნა, რომლებშიც ის ითხოვს დისციპლინარული სასჯელი დააკისრონ ძნელაძის ადვოკატებს.
კრიმინალური ავტორიტეტი, რომელის სახელით „რამაზ“ არის ცნობილი, გასული წლის ზაფხულში დააკავეს. დაკავებისას მან წარადგინა აზერბაიჯანის მოქალაქის რუსლან ახმედ-ოღლი ახმედოვის სახელზე გაცემული პასპორტი. მას ჰეროინიც ამოუღეს.
როგორც ძალოვნებმა „რია ნოვოსტის“ განუცხადეს, ძნელაძის სასამართლო პროცესზე უცნობი პირები სერიოზულ ზეწოლას ახდენდნენ. ისინი რეგულარულად ემუქრებოდნენ მოსამართლეს, სახელმწიფო ბრალმდებელს და შსს-ს ოპერმუშაკებს. პროცესის რამდენიმე მონაწილემ მოითხოვა კიდეც სახელმწიფო დაცვა. მსგავსი სიტუაცია, როგორც სამართალდამცველები ამბობენ, 90-იანი წლების შემდეგ აღარ უნახავთ.
სასამართლო პროცესები იმ მუხლებით, რაც ძნელაძეს ჰქონდა წაყენებული - ყალბი პასპორტის გამოყენება და ნარკოტიკული საშუალებების შენახვა - როგორც წესი, ორ დღეს გრძელდება ხოლმე. თუმცა აღნიშნული საქმე უსასრულოდ გაჭიანურდა არა მარტო დაცვის მიერ მოთხოვნილი მრავალრიცხოვანი და ძვირადღირებული ექსპერტიზების გამო, არამედ იმიტომაც, რომ არაერთხელ იყო მცდელობა ჩაეშალათ პროცესი.
მაგალითად, დაცვის მხარე მოითხოვდა ძნელაძის ფსიქოლოგიური მდგომარეობის ექსპერტიზას, რომლის ღირებულებაც შესაძლოა, 200 ათას რუბლამდე ავიდეს. სასამართლო პროცესის ერთ-ერთი მონაწილის თქმით, მოწმეები დაცვის მხრიდან სხდომაზე აცხადებდნენ, რომ გამოძიების მსვლელობის მასალებს რუსეთის საგამოძიებო კომიტეტის ხელმძღვანელს ბასტრიკინსა და გენპროკურორ ჩაიკას გადასცემდნენ და იმუქრებოდნენ, რომ საქმის პროკურორს სამსახურიდან გააგდებინებდნენ, მოსამართლეს კი პერეატესტაციაზე გაუშვებდნენ. თავად ძნელაძე კი აცხადებდა, რომ „მოკლავს პროკურორს და ყველას ააფეთქებს“. ყველაზე ცუდ დღეში სახელმწიფო ბრალმდებელი იყო, რომელსაც „ავტორიტეტის“ გულშემატკივრები დასდევდნენ.
„პროკურორს უკან დაჰყვებოდა მანქანა, მასთან მიდიოდნენ სახლში, რის შემდეგაც სახელმწიფო დაცვის გამოყოფა გახდა საჭირო“ - ამბობს სამართალდამცავი ორგანოს წარმომადგენელი.
მუქარამ გაჭრა კიდეც და შს სამინისტროს თანამშრომელმა, რომელმაც ძნელაძე დააკავა, მისი ოჯახის მიმართ მუდმივი მუქარის გამო სასამართლოში ჩვენებაც კი შეცვალა. ხოლო მოსამართლე, რომელიც საქმეს განიხილავდა, ამბობს, რომ მუქარა მისი მისამართითაც ინტენსიური იყო. ამის გამო მასაც დაცვა გამოუყვეს.
ძნელაძის ერთ-ერთი ადვოკატი მარინა რუსაკოვამ „რია ნოვოსტის“ განუცხადა, რომ ექსპერტიზა მისი დაცვის ქვეშ მყოფის უდანაშაულობას ადასტურებს. „ჩვენ ხელთ გვაქვს სხვადასხვა მიმართულების სპეციალისტების 8 დასკვნა. ისინი ჩემი დაცვის ქვეშ მყოფის უდანაშაულობას ამტკიცებს. უბრალოდ, მას ედავებიან, როგორც „კანონიერ ქურდს“, ხოლო ნარკოტიკები, ეს მხოლოდ „ავტორიტეტის“ იზოლირების საბაბია “- განაცხადა ადვოკატმა.
49 წლის რამაზ ძნელაძე რუსი სამართალდამცველებისთვის კარგად ცნობილი „ავტორიტეტია“. როგორც ამბობენ, ის მოსკოვში ქართველ „კანონიერ ქურდთა პლეადის“ წარმომადგენელია. ის პირველად 1989 წელს დააკავეს - ნაკლებად ცნობილ „ავტორიტეტთან“ გიორგი უგლავასთან და მალხაზ მინდაძესთან ერთად.
ციხეში ძნელაძემ „ავტორიტეტის“ სახელი მოიპოვა. 1992 წლის აპრილში სწორედ მისი ბრძანებით, საგამოძიებო იზოლატორში მყოფმა პატიმრებმა შიმშილობა გამოაცხადეს. რამაზი პირადად მივიდა იზოლატორის ხელმძღვანელთან და მოთხოვნები წაუყენა: კანონმდებლობის შეცვლა, ამნისტია, დუმის დეპუტატებისა და პრესის წარმომადგენლების მოწვევა. პრესნას იზოლატორს მაშინ სოლიდარობა გამოუცხადა ბუტირკის იზოლატორმაც, თუმცა არა მატროსკაია ტიშინამ, სადაც მაშინ დათო ტაშკენტსკი იჯდა. ძნელაძის ქმედებებით უკმაყოფილება გამოთქვა მისსავე იზოლატორში მყოფმა „ლეგენდარულმა კანონიერმა ქურდმა“ ვასია ბუზულუცკიმ და მის საქციელს „არაქურდული“ უწოდა.
1992 წელს ძნელაძე ნიჟნი ნოვგოროდში გადაიყვანეს, სადაც მან პატიმრების მხარდაჭერა მალევე მოიპოვა, დაამყარა „ქურდული წესები“ და დაიწყო „მართვა“. ის რამდენჯერმეა ნასამართლევი. ოპერატიული მონაცემებით, ძნელაძე მოსკოვის ე.წ. ქუთაისის დაჯგუფებაში შედის, რომელიც ბინების ძარცვითაა დაკავებული, ის ასევე აკონტროლებდა კუნცევსკის ავტომაქანების ბაზარს და იყო „კანონიერი ქურდის“ ტარიელ ონიანის კლანის ერთ-ერთი ლიდერი.
0